The new Binani Cement Ad is packed with the power packed voice of Amitabh Bachchan explaining the importance of parents and relation with their successors.
The transcript is provided below :
Maa Baap kahin nahi jaate,
Bas aise lagta hai ki wo chale gaye
Per wo jaate nahi,
Kabhi wo aapke hothon se muskurate hain
To kabhi wo aapke chalne ke andaz me jhalak jaate hain
Kabhi wo aapke bete ke naak me dikh jaate hain
Aur nahi to kabhi wo aapke bete ki beti ki aankhon me chhup jate hain
Kabhi wo aapko chaunka detein hain
Aapki hi zuban se nikli kisi baat per, jo unhone boli thi
Wo un loriyon me hain jo aapko yaad bhi nahi
Wo us hichkichahat me hain, jo aap jhoot bolte samay mehsoos kerte hain
Kabhi socha hai ki aap baithe baithe pair kyun hilatein hain
Gullu, Bablu, Pinki jo bhi aapka pyar ka naam hai usme
Kisi tasveer mein
Kisi taareq mein
Aapke andar ki aag mein
Gaur se dekhiye
Ek bahut lambi ladi hai bahut purani
Jiski aap ek kadi hain
Wo aap ke pahle the aur aap ke baad bhi rahenge
Kyunki maa baap kahin jaate nahi
Wo yahin rehte... hain Sadiyon Ke Liye.
Rate, Comment and Share.
